ఓడిపోని గెలుపు

మీలో ఒకడి నయ్యే ప్రమాదముందని 

భూమి పై నిలబడకుండా 

కళల కలలో ఎగురుతూ

చేరిందేక్కడో.. 

అక్కడ జీవితం ఉందో లేదో తెలియని 

అది అరేంజ్ గ్రహమో, అ౦గారకమో! 

నాతో నేను, నాకు నేను 

నన్ను నేనే రమిస్తూ 

కామిస్తూ, శ్రమిస్తూ 

ధుపమై దహిస్తూ
జ్యోతి లా వేలుగుతానని,

బ్రమరిస్తూ, బ్రమిస్తూ 

కదిలి పోతుంటే, కరిగి పోతుంటే 

కలల పై దుప్పటి లాగేయండి 

తప్పేం లేదు..భూమి పై నడవడం కొత్త కాదు
పాకడం అంత కంటే పాత విద్యే
మరో సారి నేర్చుకొంటాను
మీలో ఒక్కడి నై ఇంకో సారి ఓడి పోయి నిలుస్తాను" 

ప్రశ్నలు లేని సమాధానం

మీ ప్రశ్న లకు నా దగ్గర సమాధానం లేదు.
మీరు చేయాల్సిందల్లా
నా సమాధానానికి ప్రశ్నలు వేదుక్కోవడమే
ఎందుకలా అంటే..
సమాధానం అదే ఉంది
ప్రశ్నలే  మారుతున్నాయి