సత్యమే శివం

దోచుకున్నవాడు దొంగ కాదు., దోచున్కున్నది దాచుకోన్నవాడు దొంగ కాదు. దొంగతనంగా దాచుకొన్నది పంచుకోన్నవాడు మాత్రమే దొంగ. ఇప్పుడు కోతగా లెక్క పెడుతుంటే , ఇన్నాళ్ళు లెక్క చెప్పని వాడిది తప్పు లేదు. భారత ప్రబుత్వానికి బాద్యత లేదు. అపారమైన నల్ల ధనం, రాజ భోగాలు. మీ నమ్మకం విలువ ఏంటో ఇప్పుడైనా తెలుసుకోక పోతే, ఇక నమ్మకం అనే దానికి విలువ అక్కర లేదు, మన నమ్మకాన్ని అసలు మనం నమ్మనక్కరలేదు. ఎవరో చెపితే, ఎవరో అనుసరిస్తే, మనవాళ్ళందరూ నమ్మితే మనం నమ్ముదాం.

ఆదివారం రంగోలి

AG కాలేజీ, రాజేంద్ర నగర్, బి హాస్టల్ లో ...టిఫిన్ అయిపోతుందంటే ఎ ఎనిమిది, తొమిది గంటలకో లేచేది, సండే మాత్రం పొద్దున ఆరు గంటలకే లేచి, సెవెన్ హిల్స్ లో టీ తాగి, టివి రూం లో సెటిల్ అయ్యి DD లో (దూర దర్శన్ - అదృష్టం బాగుండి, అ ఒక్క ఛానల్ మాత్రమే వచ్చేది, ఇది 94-98 లో మాట) రంగోలి చూస్తుంటే ఆహ, ఆ మత్తు ఆ వారమంత ఉండేది. పాత హిందీ పాటల పరిచయం నాకు అక్కడే. ఎన్ని కాస్సేట్ట్స్, ఎన్ని సాంగ్స్... ఒక్కో సాంగ్ రోజుకు పది సార్లు విని, ఇరవై సార్లు పాడుకోని, వందల సార్లు ఆహ అనుకోని..ఆహ! పాటల్ని ప్రేమించి, అనుబవించి, పాటల్నోని ప్రేమని అనుబవించడానికి, అమ్మాయిల్ని ప్రేమించి, ఓహో!! అప్పుడప్పుడు సాయంత్రం హాస్టల్ పైన, పార్టీలలో విరహ గీతాలు, శ్యాం గాడి తెలుగు ప్రేమ గీతాలు (కొందరి కోరిక మేరకు), వాటిలో నంజుకోవడానికి గిల్బీస్ గ్రీన్ లేబిల్. ఇదంతా గుర్తుకు వచ్చి గూగుల్ లో వెదికితే మంచి పాట దొరికింది. క్రింద ఇచ్చిన పాట క్లిక్ చేసి చూడండి, మీరు ఎంజాయ్ చేస్తారు.
http://www.youtube.com/watch?v=lhxG1NMZITI

ఎప్పట్లానే

ప్రేమంటే ...

ఆశ అన్నానీను ...అత్యాస అన్నావు నీవు

ఆకర్షణ అన్నాను ... ఆకలి అన్నావు నీవు

మధురం అన్నానేను ..మోసం అన్నావు నీవు

ఆరాధన అన్నాన్నేను ...అంతానటన అన్నావు నీవు

చివరగా ...

ప్రేమ పిచ్ఛి అన్నావు...కచితంగా అదే అన్నా నేను .

అలా అన్నావని.., అంటావేమో నని

నాకు నేనే అనుకోని .. లోలోని కుమిలి

పెదవి దాటని మాటతో పిరికి వాణ్నయ్యను

గుండె నిండా పిరికి తనం నింపుకున్న నాకు

"ప్రేమ" కింక చోటెక్కడ

ప్రేమ కు ప్రేమే ముగింపని

సర్టి చెప్పుకొని కాళ్ళు తని పడుకొన్నాను

కలలకు దుప్పటి కప్పేసాను ..

.........................ఎప్పట్లానే.

అప్పుడెప్పుడో ....

నీకు నా ప్రేమ మీద కోపం వచినప్పుడల్లా
నీ కోపం మీద నాకు ప్రేమ పెరుగుతుంది.

...అదేంటో
నా ప్రేమంటే నీకు కోపం ఐన
నీ కోపం పైన కూడా నాకు ప్రేమ

నేను ఇంకొన్నాళ్ళు బ్రతికే ఆశ పెరిగింది
నీవు మల్లి కలుదామని అన్నప్పుడు (ఎక్కడో ఇది చదివి కాపీ చేసుకొన్నా గుర్తు)

పది సంవత్సరాలు అయిపోయాయి, కాలేజీ వదిలి. దశాబ్ధములో ఎంత మార్పు.
ఎ జి కాలేజీ, రాజేంద్ర నగర్, బి - హాస్టల్ ఫ్రెండ్స్ పార్టీ లో కలిసి నవ్వుకొని, ఆ రాత్రంతా తనివీ తీర (జ్ఞాపకాలని) తాగిన ఆ రోజు గుర్తుకోసం..., (తెల్లారే ఇంటినుంచి వచ్చిన ఫోన్ తో గుర్తోచిన వాస్తవం తో కలిపి)

కిషోర్ కుమార్ గొంతు, శాయిరిలా సోగుసులు
ఊహల మేడలు, కలవరింపు కలలు
ప్రతి మత్తులో గమతులు
అన్నింట్లో శివం, సుందరం
కాని...
అదంతా క్రీస్తు పూర్వం
పునర్జన్మ ఉంది.
అర్థాలు మారిన ఆశలు
విసిగిస్తున్నఆలోచనలు
బాధ్యతా ముసుగులో కావలసినంత బదకం
పారిపోయేందుకు కావలసినంత తెలివి
దుమ్ముపట్టిన కాసెట్సే,
మూగా బోయిన స్పీకర్లు
పిల్లల ఆటలో చిరిగిపోయిన గుర్తులు
బాస్ కోసం, బన్నీ కోసం, ఇంటి కోసం, చంటి కొసం,
...మల్లి పుట్టలేమో మన కొసం

మ్యూజింగ్స్

గడిచిన కాలం, మరిచిన గతం
నీ మనుసును తట్టి, కలలో వచ్చి
ఓడిన క్షణం, గెలిచిన జ్ఞాపకం
పిల్ల తేమ్మరై, నీ మదినే తాకి
నీ పెదవిని చేరి చిరునవ్వై నిలిచే
ఆనందం మించి విజయమున్తుందా
అది అమ్రుతమై వెంట వచ్చుకదా

పోటి ముఖ్యం - ఓటమి అవసరం

" గెలుపు, ఓటమి అసలు ముఖ్యమే కాదు, మన కిష్టమైన పోటిలో మనము ఉన్నామా లేదా అనేదే ముఖ్యం", అని త్రిపురనేని శ్రీనివాస్ అనట్టు గుర్తు.
ఓడిపోవడం చాల పెద్ద తప్పు, సక్సెస్ లేకపోతే జీవితం అనవసరం అని సిదాంతాలు పాతుకుపోతున్నతరుణం. చిన్నచిన్న గేమ్ షో లో తిట్టుకోవడం, ఏడవడం, ఏమైనా సరే గెలవాలనుకోవడం, ఎలాంటి వ్యక్తిత్వం అయిన సరే గెలిచినవాడే గొప్ప వాడనడం, కచితంగా తప్పుడు సంకేతాలే. నెక్స్ట్ జనరేషన్ పుట్టిందే సక్సెస్ కోసం అని ఆల్రెడీ డిసైడ్ చేసేసాం. ఎంత పెద్ద decission అంటే, గెలవకపోతే జీవితం వేస్ట్ అనేంత.

జీవించడమంటే మనల్ని మనం గెలవడం. పక్కవాడి కోసం, పక్కవాడి మీద గెలవడం కాదు.
"సరే అల గెలుచుకుంటూ వెళితే అంతు ఉంటుందా, అది నిజంగా బాగుంటుందా", అని ఆలోచిస్తే వచిందే కింది కవిత ....

ప్రతి రోజు ప్రతి కిరణం నిన్నే పలకరిస్తుందా
అవకాశం ఎంత వరకో, అవసరం సర్దుకోలేవ
కలలన్ని నిజలయిపోయి, కళ్ళెదుటే విజయమయి వచ్చి
ప్రతి గెలుపు నీ ముందు నిలిస్తే, నాటకం రక్తి కడుతుందా
ఓటమే లేని పోటిలో ఆశ ఆసక్తి ఉంటుందా